Overdenking zondag 12 september 2021, Ds. Hans Katerberg (drentse dienst)
lezingen: Markus 9: 14-27 en Jacobus 2: 14-18
Lieve mèenschen van God,
De traonen sprungen mij in de ogen toen ik het zag:
die ongeveer 50 vrouwlu in de plaots Herat in ’t westen van Afghanistan.
Met goed an dat zowat alles bedekte, duurden zie het waogen
um op straot, in ’t openbaar, te protesteren tegen de Taliban.
Zie wolden heur recht op underwies holden,
en vrijheid voor wichter en vrouwlu um te meugen sporten
en gewoon boeten op straot te meugen wezen, zunder mannelijke begeleiding.
Dingen die bij oes vanzölf spreekt, maor daor bepaold niet!
Dat zie het anduurden, um de neie machthebbers dervan te weerholden
heur hiele leven weer terugge te brengen naor de Middeleeuwen of nog arger!
Ongeleufelijk dapper, wat een moed!
Ik kom hier dolkies op terugge, want wat die vrouwen daor deden
hef volgens mij alles te maken met wat Jezus bedoelt as e zeg:
‘Alles is meugelijk veur wel as geleuft’.
PKN Jacobuskerkgemeente Rolde